പാലക്കാട്: ചെമ്പൈ സ്മാരക ഗവ.സംഗീത കോളജിലെ എം.ഡി. രാമനാഥന്‍ സ്മാരക ഓഡിറ്റോറിയത്തില്‍ നടന്ന സംസ്ഥാന സ്‌കൂള്‍ ശാസ്ത്ര നാടകോത്സവത്തില്‍  പാലക്കാട് ജില്ലയിലെ എ.കെ.എന്‍.എ.എം.എച്ച്.എസ്.എസ് കാട്ടുകുളം ഒന്നാം സ്ഥാനം നേടി. വയനാട് പനമരം ഗവ. എച്ച്.എസ്.എസിനാണ് രണ്ടാം സ്ഥാനം. വിജയികള്‍ ദക്ഷിണ മേഖലാ ശാസ്ത്ര  നാടക മത്‌സരത്തില്‍ കേരളത്തിനെ പ്രതിനിധീകരിക്കും. നവംബര്‍ 23 മുതല്‍ 27 വരെ നടക്കുന്ന സംസ്ഥാന ശാസ്ത്ര മേളയില്‍ വിജയികള്‍ക്ക് സമ്മാനം നല്‍കും.
24 ടീമുകള്‍ പങ്കെടുത്തു. ഒക്‌ടോബര്‍ 27ന് തുടങ്ങിയ നാടകോത്സവം പൊതുവിദ്യാഭ്യാസ ഡയറക്ടര്‍ കെ.വി. മോഹന്‍കുമാറിന്റെ അധ്യക്ഷതയില്‍ ജില്ലാ പഞ്ചായത്ത് പ്രസിഡന്റ് അഡ്വ. കെ.ശാന്തകുമാരി ഉദ്ഘാടനം ചെയ്തു. മുനിസിപ്പല്‍ ചെയര്‍ പേഴ്‌സണ്‍ പ്രമീളാ ശശിധരന്‍, ജില്ലാ പഞ്ചായത്ത് വൈസ് പ്രസിഡന്റ് ടി.കെ. നാരായണദാസ്, നാടകകൃത്ത് കാളിദാസ് പുതുമന, എ.ഡി.പി.ഐ ജിമ്മി കെ. ജോസ്, വിദ്യാഭ്യാസ ഉപഡയറക്ടര്‍ കെ. ശ്രീനിവാസ, പി.ആര്‍.ഒ ആര്‍. ബാബു,  ചെമ്പൈ സ്മാരക സംഗീത കോളജ് പ്രിന്‍സിപ്പല്‍ എസ്. ദിനേഷ് പങ്കെടുത്തു.