പാലക്കാട്: വീട്ടിലെ വിറകുപുരയില്‍ നിന്ന് മലമ്പാമ്പിനെ പിടികൂടി. കാഞ്ഞിക്കുളം തെക്കുംകരയിലെ വാസുവിന്റെയും ശാന്തയുടെയും വീട്ടില്‍ നിന്നാണ് മലമ്പാമ്പിനെ പിടികൂടിയത്. രാത്രി ഏഴേ മുക്കാലോടെയാണ് മലമ്പാമ്പിനെ വിറകുപുരയില്‍ കണ്ടെത്തിയത്. തുടര്‍ന്ന് സമീപവാസിയായ ജയേഷ് എത്തി മലമ്പാമ്പിനെ പിടിക്കുകയായിരുന്നു. മലമ്പാമ്പിനെ പിടിക്കുന്നതിനിടയില്‍ ജയേഷിന് കടിയേറ്റു. ഇദേഹം സ്വകാര്യ ആശുപത്രിയില്‍ ചികിത്സ തേടി. കല്ലടിക്കോട് ഫോറസ്റ്റ് ഓഫിസില്‍ നിന്ന് എത്തിയ ഉദ്യോഗസ്ഥര്‍ക്ക് പാമ്പിനെ കൈമാറി.