പടിഞ്ഞാറങ്ങാടി: പറക്കുളം പടിഞ്ഞാറങ്ങാടി റോഡിലെ പൊന്തക്കാടുകള്‍ യാത്രക്കാര്‍ക്കും, ജനങ്ങള്‍ക്കും ഭീഷണിയാകുന്നു. തെരുവ് നായ്ക്കള്‍ റോഡിന് കുറുകെ ചാടി അപകടങ്ങളും പതിവാകുന്നു. കഴിഞ്ഞ ഒരുമാസത്തിനുളളില്‍ ഇത്തരത്തില്‍ നിരവധി അപകങ്ങള്‍ ഉണ്ടായിട്ടുണ്ട്. രാത്രിയില്‍ സാമൂഹ്യ വിരുദ്ധര്‍ തളളുന്ന കോഴി അവശിഷ്ടങ്ങളും മറ്റു മാലിന്യങ്ങളും കാരണമാണ്  തെരുവ് നായ്ക്കള്‍ അധികരിക്കുന്നത്. ദിനം പ്രതി നൂറുകണക്കിന്  വിദ്യാര്‍ഥികള്‍ കടന്ന് പോകുന്ന വഴികൂടിയാണിത്. ഈ പൊന്തക്കാടുകള്‍ എത്രയും പെട്ടെന്ന് വെട്ടിവൃത്തിയാക്കാന്‍ പഞ്ചായത്ത് അധികൃതര്‍ തയ്യാറാകണമെന്ന് നാട്ടുകാര്‍  ആവശ്യപ്പെടുന്നു.