ന്യൂഡല്‍ഹി: കേരളത്തിനൊപ്പം വിധിയെഴുതുന്ന തമിഴ്‌നാട്ടിലും പുതുച്ചേരിയിലും വോട്ടെടുപ്പ് പുരോഗമിക്കുന്നു. ബൂത്തുകളിലെല്ലാം നീണ്ട ക്യൂ കാണാം.
തീരദേശ ജില്ലകളില്‍ കനത്തമഴയെതുടര്‍ന്ന് തെരഞ്ഞെടുപ്പുസമയം നീട്ടണമെന്ന് കലക്ടര്‍മാര്‍ ഇലക്ഷന്‍ കമ്മീഷനോട് ആവശ്യപ്പെട്ടിട്ടുണ്ട്. മൂന്ന് മണിക്കു ശേഷം ഇലക്ഷന്‍ കമ്മീഷന്‍ ഇതില്‍ തീരുമാനമെടുക്കും.
തമിഴ്‌നാട്ടില്‍ 232 നിയമസഭാ മണ്ഡലങ്ങളിലേക്കാണ് തെരഞ്ഞെടുപ്പ് നടക്കുന്നത്.

പന്ത്രണ്ടുമണിവരെയുള്ള കണക്കനുസരിച്ച് തമിഴ്‌നാട്ടില്‍ 30.01 ശതമാനവും പുതുച്ചേരിയില്‍ 32.25 ശതമാനവും വോട്ട് രേഖപ്പെടുത്തി.