കോഴിക്കോട്: സുന്നിമഹല്ല് ഫെഡറേഷന്‍ സംസ്ഥാന കമ്മിറ്റിയുടെ ആഭിമുഖ്യത്തില്‍ നവംബര്‍ ഏഴിന് കുന്ദമംഗലത്ത് ഇസ്‌ലാമിക് പാരന്റിങ് കോണ്‍ഫറന്‍സ് നടത്തും. പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.
സമസ്ത ജനറല്‍  സെക്രട്ടറി പ്രൊഫ. കെ ആലിക്കുട്ടി മുസ്‌ലിയാര്‍ മുഖ്യപ്രഭാഷണം നടത്തും. സമസ്ത സെക്രട്ടറി കോട്ടുമല ടി.എം ബാപ്പുമുസ്‌ലിയാര്‍ അധ്യക്ഷനാകും.  സമസ്ത കേരള ഇസ്‌ലാം മതവിദ്യാഭ്യാസ ബോര്‍ഡിനു കീഴില്‍ നടക്കുന്ന മദ്‌റസകള്‍ കേന്ദ്രീകരിച്ചു കൊണ്ട് പാരന്റിങ് സംവിധാനം നടപ്പിലാക്കും. എസ്.വി മുഹമ്മദലി മാസ്റ്ററുടെ നേതൃത്വത്തില്‍ വിവിധ പ്രൊജക്ടുകള്‍ ചര്‍ച്ച ചെയ്യും.
കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി, ചേലക്കാട് മുഹമ്മദ് മുസ്‌ലിയാര്‍, കെ. ഉമര്‍ ഫൈസി മുക്കം, എ.വി അബ്ദുറഹ്മാന്‍ മുസ്‌ലിയാര്‍, പിണങ്ങോട് അബൂബക്കര്‍, ചെര്‍ക്കളം അബ്ദുല്ല, ചെമ്മുക്കന്‍ കുഞ്ഞാപ്പുഹാജി, ഖത്തര്‍ ഇബ്‌റാഹിം ഹാജി, സി.എസ്.കെ തങ്ങള്‍ പ്രസംഗിക്കും.