തിരുവനന്തപുരം: മാധ്യമങ്ങളിലൂടെ സര്‍ക്കാര്‍ നയം പറയുന്ന മാനിയ ഉദ്യോഗസ്ഥര്‍ക്കിടയില്‍ വര്‍ധിച്ചുവരുന്നതായി മുഖ്യമന്ത്രി പിണറായി വിജയന്‍ പറഞ്ഞു.
രാഷ്ട്രീയക്കാരുമായി സഹവസിക്കുന്നതുകൊണ്ടാകാം ഇത് സംഭവിക്കുന്നത്. എം.ഉമ്മര്‍ എം.എല്‍.എയുടെ സബ്മിഷന് മറുപടി നല്‍കുകയായിരുന്നു മുഖ്യമന്ത്രി. ഒരു സര്‍ക്കാരുദ്യോഗസ്ഥനും സര്‍ക്കാരിന്റെ മുന്‍കൂര്‍ അനുമതിയില്ലാതെ സര്‍ക്കാരിന്റെ തീരുമാനങ്ങളും നയങ്ങളും വിശദീകരിക്കരുതെന്ന് 2012ല്‍ സര്‍ക്കുലര്‍ പുറപ്പെടുവിച്ചിരുന്നു. ഇതിന് വിരുദ്ധമായി മാധ്യമങ്ങളിലൂടെ സര്‍ക്കാര്‍ നയങ്ങളെ വിമര്‍ശിക്കുന്ന ഉദ്യോഗസ്ഥര്‍ക്കെതിരേ കര്‍ശന നടപടിയുണ്ടാകുമെന്നും മുഖ്യമന്ത്രി പറഞ്ഞു.