തുറവൂര്‍: പട്ടണക്കാട് ബ്ലോക്ക് പഞ്ചായത്തംഗം അഡ്വ.റ്റി.എച്ച്‌സലാം സംഘടിപ്പിക്കുന്ന മികവ്-2016 ഉദ്ഘാടനം 30ന് ഉച്ചയ്ക്കുശേഷം പ്രതിപക്ഷ നേതാവ് രമേശ് ചെന്നിത്തല നിര്‍വഹിക്കും.
ബ്ലോക്ക് പരിധിയില്‍ നിന്നും എസ്.എസ്.എല്‍.സി., പ്ലസ് ടൂ ,മറ്റു സംസ്ഥാന തല പരീക്ഷകളിലും ഉന്നത വിജയം കൈവരിച്ച മികച്ച വിദ്യാര്‍ത്ഥികളെയും നൂറു ശതമാനം വിജയം നേടിയ സ്‌കൂളുകളെയും സമൂഹത്തില്‍ വ്യക്തിമുദ്ര പതിപ്പിച്ച വിശിഷ്ട വ്യക്തികളെയും സമ്മേളനത്തില്‍ അനുമോദിക്കും. പട്ടണക്കാട് ബ്ലോക്ക് കമ്മ്യൂണിറ്റി ഹാളില്‍ നടക്കുന്ന സമ്മേളനത്തില്‍ കെ.സി.വേണുഗോപാല്‍ എം.പി. അവാര്‍ഡുകള്‍ വിതരണം ചെയ്യും. ഗാനരചയിതാവ് രാജീവ് ആലുങ്കല്‍ അധ്യക്ഷതവഹിക്കും. സിനിമാ താരം ക്യാപ്റ്റന്‍ രാജു മുഖ്യ പ്രഭാഷണം നടത്തും.
ഡോ. ബി.പത്മകുമാര്‍, ചേര്‍ത്തല ഡിവൈ.എസ്.പി. വൈ.ആര്‍. റെസ്റ്റോം ,കയര്‍ഫെഡ് മുന്‍ ചെയര്‍മാന്‍ എം.കെ.അബ്ദുള്‍ ഗഫൂര്‍ ഹാജി, സംഗിത സംവിധായകന്‍ ബിനു ആനന്ദ് എന്നിവര്‍ പങ്കെടുക്കും.