തിരുവനന്തപുരം:  മദ്‌റസ മാനേജ്‌മെന്റുകളും അധ്യാപകരും രക്ഷിതാക്കളും തമ്മിലുള്ള ബന്ധം ശക്തിപ്പെടുത്തുന്നതിന് റെയ്ഞ്ച് തലങ്ങളില്‍ രൂപീകരിക്കപ്പെട്ട സമസ്ത കേരള മദ്‌റസ മാനേജ്‌മെന്റ് അസോസിയേഷന്‍ കന്യാകുമാരി, തിരുവനന്തപുരം, കൊല്ലം  ജില്ലാ കൗണ്‍സിലുകള്‍ നാളെയും മറ്റെന്നാളുമായി നടക്കും.
നാളെ രാവിലെ ഒമ്പതിന് കന്യാകുമാരി ജില്ലയിലെ അഴകിയ മണ്ഡപത്ത് വെച്ച് നടക്കുന്ന കൗണ്‍സില്‍ യോഗത്തില്‍  റിട്ടേണിങ് ഓഫിസര്‍ ചുളളിമാനൂര്‍ അഹമദ് റഷാദിയും ഉച്ചക്ക് രണ്ടിന് കൊല്ലം റെസ്റ്റ് ഹൗസില്‍ നടക്കുന്ന കൊല്ലം ജില്ലാ കൗണ്‍സില്‍ യോഗത്തില്‍ റിട്ടേണിങ് ഓഫീസര്‍ എ.കെ.കെ.മരയ്ക്കാര്‍ പൊന്നാനിയും ഞായറാഴ്ച ഉച്ചക്ക് രണ്ടിന് തിരുവനന്തപുരം മേലേ തമ്പാനൂര്‍  സമസ്ത ജൂബിലി സൗധത്തില്‍ നടക്കുന്ന തിരുവനന്തപുരം ജില്ലാ കൗണ്‍സില്‍ യോഗത്തില്‍ റിട്ടേണിങ് ഓഫീസര്‍ കെ.മോയീന്‍ കുട്ടി മാസ്റ്ററും തെരഞ്ഞടുപ്പുകള്‍ നിയന്ത്രിക്കും.
കൗണ്‍സില്‍ യോഗങ്ങളില്‍ ജില്ലകളിലെ കേന്ദ്ര മുശാവറ അംഗങ്ങള്‍, വിദ്യാഭ്യാസ ബോര്‍ഡ് എക്‌സിക്യൂട്ടീവ് മെമ്പര്‍ ടി.കെ ഇബ്രാഹീം കുട്ടി മുസ്‌ലിയാര്‍ ,ജനറല്‍ മാനേജര്‍ കെ.മോയീന്‍ കുട്ടി മാസ്റ്റര്‍ ,ജനറല്‍ ബോഡി അംഗങ്ങള്‍, മാനേജ്‌മെന്റ് അസോസിയേഷന്‍ ജില്ലാ
കൗണ്‍സില്‍ അംഗങ്ങള്‍, ജംഇയ്യത്തുല്‍ മുഅല്ലിമീന്‍ ജില്ലാ, റെയ്ഞ്ച് ഭാരവാഹികള്‍, മാനേജ്‌മെന്റ് അസോസിയേഷന്‍ റേയ്ഞ്ച് ഓര്‍ഗനൈസിങ് സെക്രട്ടറിമാര്‍, കോ ഓര്‍ഡിനേറ്റര്‍മാര്‍ ,മുഫത്തിശുമാര്‍, സമസ്ത ഓര്‍ഗനൈസര്‍മാര്‍ തുടങ്ങിയവര്‍ പങ്കെടുക്കും.