കൊല്ലം: അന്യസംസ്ഥാന തൊഴിലാളി ദുരൂഹ സാഹചര്യത്തില്‍ മരിച്ച സംഭവത്തില്‍ കോടതിയില്‍ ഹാജരാക്കിയ പ്രതിയെ കസ്റ്റഡിയില്‍ വാങ്ങുമെന്ന് കൊല്ലം ഈസ്റ്റ് പൊലീസ് അറിയിച്ചു.
ഉത്തര്‍പ്രദേശ് സ്വദേശി ഷഹന്‍ഷാ എന്ന സൂര്യയുടെ (20) ദുരൂഹമരണത്തില്‍ ഉത്തര്‍പ്രദേശ് സ്വദേശിയായ വാസീ(31)മിനെയാണ് ഈസ്റ്റ് പൊലീസ് അറസ്റ്റു ചെയ്ത് കോടതിയില്‍ ഹാജരാക്കിയത്. ഇയാളെ കസ്റ്റഡിയില്‍ വാങ്ങി ചോദ്യം ചെയ്യുന്നതോടെ കൊലപാതകം സംബന്ധിച്ച് കൂടുതല്‍ വിവരം വ്യക്തമാകുമെന്നാണ് പ്രതീക്ഷിക്കുന്നത്.
വാസിമിന്റെ 1200 രൂപ ഷഹന്‍ഷാ മോഷ്ടിച്ച് മദ്യപിച്ചു എന്നാരോപിച്ച്  നടത്തിയ മര്‍ദനമാണ് മരണത്തിലേക്കു നയിച്ചതെന്നാണ് പ്രാഥമിക വിവരം.