പുത്തന്‍ സ്മാര്‍ട്‌ഫോണുമായി ചൈനീസ് കമ്പനിയായ ഓപ്പോ വീണ്ടുമെത്തിയിരിക്കുകയാണ്. ഓണ്‍ലൈനിലൂടെയും ഓഫ്‌ലൈനിലൂടെയും ചൈനീസ് വിപണിയില്‍ നിന്നും ഓപ്പോ R9 എന്ന പുതിയ സ്മാര്‍ട്‌ഫോണ്‍ സ്വന്തമാക്കാം. 28000 രൂപയാണ് പുതിയ സ്മാര്‍ട്‌ഫോണിന്റെ വില. ഒക്ടോബര്‍ 28 ന് ശേഷം ഇന്ത്യന്‍ വിപണിയില്‍ നിന്നും സ്വന്തമാക്കാം.

കോര്‍ണിങ് ഗോറില്ല ഗ്ലാസ് പ്രൊട്ടക്ഷനോട് കൂടി 5.5 ഇഞ്ച് ഫുള്‍ എച്ച്.ഡി ഡിസ്‌പ്ലേയാണ് ഓപ്പോ R9 നുള്ളത്.4 ജി.ബി റാം, 3010 എംഎഎച്ച് ബാറ്ററി എന്നിവയും സവിശേഷതയാണ്. മൈക്രോ എസ്.ഡി കാര്‍ഡ് ഉപയോഗിച്ച് 256 ജി.ബി വരെ ഉയര്‍ത്താവുന്ന 64 ജി.ബി ഇന്റേണല്‍ സ്‌റ്റോറജും ഫോണിനുണ്ട്.

സാധാരണ ഓപ്പോ ഫോണ്‍ ആളുകളെ ആകര്‍ഷിക്കുന്നത് അതിന്റ് മികവുറ്റ കാമറയിലൂടെയാണ്. ആ പ്രതീക്ഷകള്‍ തെറ്റാതെ തന്നെ മികവേറിയ കാമറയാണ് ഓപ്പോ പുതിയ സ്മാര്‍ട്‌ഫോണിനും ഒരുക്കിയിരിക്കുന്നത്.16 മെഗാപിക്‌സല്‍ റിയര്‍ കാമറയാണ് ഇതിനുള്ളത്. സാധാരണ സ്മാര്‍ട്ട്‌ഫോണുകളില്‍ കാണുന്ന 1.5mm to 2mm വീതിയുള്ള ആന്റിന ലൈന്‍സില്‍ നിന്നും വ്യത്യസ്തമായി 0.3mm വീതിയുള്ള മൂന്നു ആന്റിന ലൈന്‍സ് ആണ് ഇതിനുള്ളത്. ഗോള്‍ഡ്, റോസ് ഗോള്‍ഡ് വേരിയന്റുകളിലാണ് ഫോണ്‍ ലഭ്യമാവുക.