കോഴിക്കോട്: സമസ്ത കേരള സുന്നി മഹല്ല് ഫെഡറേഷന്‍ മഹല്ലുകള്‍തോറും നടത്താന്‍ ഉദ്ദേശിക്കുന്ന ഇസ്‌ലാമിക് പാരന്റിങ് സ്‌കൂള്‍ ആര്‍.പി മാര്‍ക്കുള്ള അവസാന ഘട്ട പരിശീലനം നാളെ രാവിലെ പത്തിന് കോഴിക്കോട് സുപ്രഭാതം ഓഡിറ്റോറിയത്തില്‍ നടക്കും.
മദ്‌റസകള്‍ കേന്ദ്രീകരിച്ചു നടത്തുന്ന പ്രസ്തുത സ്‌കൂള്‍ സംവിധാനത്തെ സംബന്ധിച്ച് മുഫത്തിശുമാര്‍ക്കുള്ള പരിശീലനം നവംബര്‍ രണ്ടിന് വൈകിട്ട് ഏഴിന് ചേളാരി സമസ്താലയത്തില്‍ നടക്കും.
സ്‌കൂളിന്റെ സംസ്ഥാന തല ഉദ്ഘാടനം നവംബര്‍ ഏഴിന് രാവിലെ പത്തിന് കുന്ദമംഗലം പന്തീര്‍പാടത്ത് പാണക്കാട് ഹൈദരലി ശിഹാബ് തങ്ങള്‍ നിര്‍വഹിക്കും. എസ്.വി. മുഹമ്മദലി മാസ്റ്റര്‍ പരിശീലനത്തിന് നേതൃത്വം നല്‍കും .
സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ മുഖ്യപ്രഭാഷണം നടത്തും. കോട്ടുമല ടി.എം. ബാപ്പു മുസ്‌ലിയാര്‍ അധ്യക്ഷനാവും. സി.കെ.എം സ്വാദിഖ് മുസ്‌ലിയാര്‍, ഡോ. ബഹാഉദ്ദീന്‍ മുഹമ്മദ് നദ്‌വി, കൊയ്യോട് ഉമര്‍ മുസ്‌ലിയാര്‍, എ.വി. അബ്ദുറഹ്മാന്‍ മുസ്‌ലിയാര്‍, അബ്ദുല്‍ ഹമീദ് ഫൈസി അമ്പലക്കടവ്,റഹ്മത്തുല്ല ഖാസിമി മൂത്തേടം, ചെമ്മുക്കന്‍ കുഞ്ഞാപ്പു ഹാജി, ഖത്തര്‍ ഇബ്രാഹീം ഹാജി, പിണങ്ങോട് അബൂബക്കര്‍, ചെര്‍ക്കളം അബ്ദുല്ല, മെട്രോ മുഹമ്മദ് ഹാജി, അബ്ദുസമദ് പൂക്കോട്ടൂര്‍ സംസാരിക്കും.