ശ്രീകാര്യം: ബസില്‍ അമിത തിരക്കെന്നാരോപിച്ചു ഡ്രൈവര്‍ അരമണിക്കൂറോളം ബസ് നിര്‍ത്തിയിട്ട് ഇറങ്ങിപ്പോയി.
വെള്ളിയാഴ്ച വൈകുന്നേരം ആറരയോടെ കൊച്ചുള്ളൂരിലാണ് സംഭവം. തിരുവനന്തപുരത്ത് നിന്നും ചിറയിന്‍കീഴിലേക്ക് പോകുകയായിരുന്ന കണിയാപുരം ഡിപ്പോയിലെ ആര്‍.എന്‍.എ 168 നമ്പര്‍ ബസിലെ ഡ്രൈവര്‍ ആണ് ബസ് നിര്‍ത്തിയിട്ടു ഇറങ്ങിപ്പോയത്.
ബസ് നിര്‍ത്തിയിട്ടത് എന്തിനെന്ന് തിരക്കിയ യാത്രക്കാരോട് ബസില്‍ യാത്രക്കാര്‍ കൂടുതലാണെന്നും ഇത്രയും യാത്രക്കാരെയും വച്ച് യാത്ര തുടരാനാവില്ലെന്നും ഡ്രൈവര്‍
അറിയിച്ചു. തുടര്‍ന്ന് യാത്രക്കാര്‍ ബഹളം മുണ്ടാക്കിയതിനാല്‍ അരമണിക്കൂര്‍ കഴിഞ്ഞശേഷം ചിറയിന്‍കീഴിലേക്ക് ടിക്കറ്റെടുത്തവരെ അടുത്തുവന്ന ബസില്‍ കയറ്റിവിട്ട ശേഷമാണ് യാത്ര തുടര്‍ന്നത്.
സ്ത്രീകളടക്കം ടിക്കറ്റ് എടുത്ത നിരവധി യാത്രക്കാരാണ് മറ്റു ബസുകളില്‍ കയറി യാത്ര തുടര്‍ന്നത്.