ഭുവനേശ്വര്‍: പുരിയിലെ ജഗന്നാഥ ക്ഷേത്രത്തില്‍ മാംസാഹാരം ലഭിക്കുമെന്ന പരാമര്‍ശത്തില്‍ എയര്‍ ഇന്ത്യ മാപ്പു പറഞ്ഞു. ശുഭയാത്രയെന്ന എയര്‍ ഇന്ത്യയുടെ മാസികയിലെ ഡിവോഷന്‍ കാന്‍ ബി ഡെലിഷ്യസ് എന്ന ലേഖനത്തിലായിരുന്നു പരാമര്‍ശം. ഇതിനെതിരേ ഒഡീഷയിലെ വിവിധ സംഘടനകളും വ്യക്തികളും രംഗത്തുവന്നിരുന്നു. മാസികയുടെ കോപ്പികള്‍ വിപണിയില്‍ നിന്ന് പിന്‍വലിക്കുമെന്നും എയര്‍ ഇന്ത്യ ട്വിറ്ററിലൂടെ അറിയിച്ചു.