ശ്രീനഗര്‍: പാക് അതിര്‍ത്തിയില്‍ ഇന്ത്യന്‍ തിരിച്ചടി തുടരുന്നു. അതിര്‍ത്തിയില്‍ പ്രകോപനം തുടരുന്ന പാക്കിസ്ഥാനെതിരില്‍ ഇനി വിട്ട് വീഴ്ചക്കില്ലെന്ന നിലപാടുമായാണ് ഇന്ത്യ തിരിച്ചടി തുടങ്ങിയിരിക്കുന്നത്.

നിയന്ത്രണ രേഖയിലെ നാലു പാക് സൈനിക പോസ്റ്റുകള്‍ ഇന്ത്യ തകര്‍ത്തു. നിരവധി പാക് സൈനികര്‍ക്ക് പരിക്കേറ്റു. കെരാന്‍ സെക്ടറിലാണ് ഇന്ത്യയുടെ തിരിച്ചടി.

പാകിസ്താന്‍ സൈന്യത്തിനെതിരില്‍ ശക്തമായ നാശനഷ്ടങ്ങളുണ്ടാക്കാനായതായി ഇന്ത്യന്‍ സൈന്യം അവകാശപെട്ടു. ഇപ്പോഴും അതിര്‍ത്തിയില്‍ ശക്തമായ വെടിവെപ്പ് തുടരുകയാണ്.