മലപ്പുറം: 2013 ലെ 'ഭൂമി ഏറ്റെടുക്കലില്‍ ന്യായമായ നഷ്ടപരിഹാരത്തിനും സുതാര്യതയ്ക്കും പുനരധിവാസത്തിനും പുന:സ്ഥാപനത്തിനുമുള്ള അവകാശ നിയമ' പ്രകാരം ജില്ലാ കലക്ടര്‍ സ്വീകരിക്കേണ്ട നടപടിക്രമങ്ങളുടെ നടത്തിപ്പിനായി സാമൂഹിക പ്രത്യാഘാത പഠന യൂനിറ്റുകളുടെ പാനല്‍ രൂപീകരിക്കുന്നതിനും സാമൂഹിക പ്രത്യാഘാത പഠന റിപ്പോര്‍ട്ട് വിലയിരുത്തുന്നതിനുമുള്ള വിദഗ്ധ സമിതി രൂപീകരിക്കുന്നു. ഇതിന് ആവശ്യമായ അനൗദ്യോഗിക സാമൂഹിക ശാസ്ത്രജ്ഞന്‍മാരുടെയും പുനരധിവാസ പ്രവര്‍ത്തനങ്ങളില്‍ വിദഗ്ധരായവരുടെയും പാനലുകള്‍ രൂപീകരിക്കുന്നതിന് യോഗ്യരായ വ്യക്തികളില്‍ നിന്നും സ്ഥാപനങ്ങളില്‍ നിന്നും അപേക്ഷ ക്ഷണിച്ചു. അപേക്ഷ, യോഗ്യത, മുന്‍പരിചയം വ്യക്തമാക്കുന്ന രേഖകള്‍ സഹിതം നവംബര്‍ അഞ്ചിന് വൈകീട്ട് അഞ്ചിനകം ജില്ലാ കലക്ടര്‍ക്ക് സമര്‍പ്പിക്കണം.