മംഗളുരു: സ്‌പൈസ് ജെറ്റിന്റെ മംഗളുരു-ദുബൈ വിമാനം ഇന്ന് മുതല്‍ പ്രതിദിന സര്‍വീസ്. ഞായര്‍, ചൊവ്വ, ബുധന്‍, വ്യാഴം, വെള്ളി ദിവസങ്ങളില്‍ പുലര്‍ച്ചെ 12.20നും തിങ്കള്‍, ശനി ദിവസങ്ങളില്‍ പുലര്‍ച്ചെ 3.40നുമാണ് വിമാനം പുറപ്പെടുക.

മംഗളൂരുവില്‍ നിന്നു രാജ്യാന്തര സര്‍വീസ് നടത്തുന്ന രണ്ടാമത്തെ സ്വകാര്യ വിമാന കമ്പനിയാണു സ്‌പൈസ് ജെറ്റ്. സര്‍വീസ് ആരംഭിക്കുന്നതോടെ മംഗളൂരു വിമാനത്താവളത്തില്‍ നിന്നും വിവിധ ഗള്‍ഫ് രാജ്യങ്ങളിലേക്ക് സര്‍വീസ് നടത്തുന്ന വിമാനങ്ങളുടെ എണ്ണം എട്ടായി. സ്‌പൈസ് ജെറ്റിന് പുറമേ ജെറ്റ് എയര്‍വെയ്‌സാണ് നിലവില്‍ മംഗളൂരുവില്‍ നിന്നും രാജ്യാന്തര സര്‍വീസ് നടത്തുന്ന വിമാനക്കമ്പനി. 15 ആഭ്യന്തര വിമാനസര്‍വീസുകളും നിലവില്‍ മംഗളൂരുവില്‍ നിന്നും സര്‍വീസ് നടത്തുന്നുണ്ട്. എയര്‍ ഇന്ത്യ എക്‌സ്പ്രസ് ഉള്‍പ്പെടെയാണ് ഇത്രയും സര്‍വീസുകള്‍ മംഗളൂരുവില്‍ നിന്നും നടത്തുന്നത്.