ഷിംല: ഇന്ത്യാ- ചൈനീസ് അതിര്‍ത്തിയില്‍ സൈനികരോടൊപ്പം പ്രധാനമന്ത്രി നരേന്ദ്ര മോദിയുടെ  ദീപാവലി ആഘോഷം. ഹിമാചല്‍പ്രദേശില്‍ ഇന്തോ- തിബറ്റന്‍ അതിര്‍ത്തിസേനയ്‌ക്കൊപ്പമാണ് മോദി ദീപാവലി ആഘോഷിച്ചത്. സൈനികര്‍ക്കൊപ്പം ഭക്ഷണം കഴിച്ച പ്രധാനമന്ത്രി അവരുമായി സംസാരിക്കുകയും ചെയ്തു. നേരത്തെ തീരുമാനിച്ചതില്‍ നിന്നും വ്യത്യസ്ഥമായി ചാങ്കോ എന്ന ഗ്രാമത്തിലും അദ്ദേഹം സന്ദര്‍ശനം നടത്തി.
മോദിക്കൊപ്പം ദേശീയ സുരക്ഷാ ഉപദേഷ്ടാവ് അജിത് ഡോവലും കരസേന മേധാവി ജനറല്‍ ധല്‍ബീര്‍ സിങ് സുവാഹുമുണ്ടായിരുന്നു. 2014 ല്‍ സിയാച്ചിനില്‍ സൈനികര്‍ക്കൊപ്പം മോദി ദീപാവലി ആഘോഷിച്ചിരുന്നു.