മാന്നാര്‍:നോമ്പും പ്രാര്‍ഥനയുമായി തീര്‍ഥാടക സംഘങ്ങള്‍ ഒന്നൊന്നായി പരുമലയിലേക്ക് എത്തി തുടങ്ങി.
കൊടിയേറിയ നാള്‍ മുതല്‍ തീര്‍ത്ഥാടകര്‍ പദയാത്രയായി എത്തി തുടങ്ങിയെങ്കിലും ഒദ്യോഗികമായി തീര്‍ഥാടകരെ സ്വീകരിക്കുന്നത് ഇന്നാണ്. രാവിലെ 7.30-ന് കല്‍ക്കട്ട ഭദ്രാസനാധിപന്‍ ഡോ.ജോസഫ് മാര്‍ ദിവന്നാസിയോസ് മെത്രാപ്പോലീത്തായുടെ മുഖ്യ കാര്‍മ്മികത്വത്തില്‍ നടക്കുന്ന കുര്‍ബാനയ്ക്ക് ശേഷം തീര്‍ഥടകരെ സ്വീകരിക്കും.
കത്തിച്ച മെഴുകുതിരി പരുമല സെമിനാരി മാനേജര്‍ ഫാ.എം.സി.കുര്യാക്കോസ് പദയാത്രസംഘത്തിന് നല്‍കിയാണ് കബറിങ്കലിലേക്ക് സ്വീകരിക്കുന്നത്.ഒന്ന്,രണ്ട് തീയതികളിലാണ് കൂടുതല്‍ പദയാത്ര സംഘങ്ങള്‍ എത്തുന്നത്.