പേരാമ്പ്ര: ഉപജില്ലാ ശാസ്ത്രമേളക്ക് കൂത്താളി എ.യു.പി സ്‌കൂള്‍ വേദിയാകുന്നു. മേള ഉദ്ഘാടനം കൂത്താളി ഗ്രാമപഞ്ചായത്ത് പ്രസിഡന്റ് കെ.പി അസ്സന്‍ കട്ടിയുടെ അധ്യക്ഷതയില്‍ കോഴിക്കോട് മേഖലാ ശാസ്ത്ര കേന്ദ്രം വിദ്യഭ്യാസ ഓഫിസര്‍ കെ.എം സുനില്‍ നിര്‍വഹിക്കും. ചടങ്ങില്‍ ദേശീയ അധ്യാപക അവാര്‍ഡ് ജേതാവും സില്‍വര്‍ എലിഫെന്റ് ബാഡ്ജ് ലഭിച്ച ബാലചന്ദ്രന്‍ പാറച്ചോട്ടിലിനെ ആദരിക്കും. കോഴിക്കോട് മെഡിക്കല്‍ കോളജിന്റെ നേതൃത്വത്തില്‍ ആരോഗ്യ മെഡിക്കല്‍ വിഞ്ജാന പ്രദര്‍ശനവും വൈല്‍ഡ് ഫോട്ടോഗ്രഫി സ്റ്റാളും ഒരുക്കും. കെ.പി അസ്സന്‍കുട്ടി ചെയര്‍മാനും എന്‍. നിര്‍മ്മല്‍കുമാര്‍ കണ്‍വീനറും സുനില്‍ കുമാര്‍ അരീക്കാംവീട്ടില്‍ ട്രഷററുമായുള്ള സ്വാഗത സംഘം രൂപീകരിച്ചു. പത്രസമ്മേളനത്തില്‍ എന്‍.നിര്‍മ്മല്‍ കുമാര്‍, പി. അച്ചുതന്‍, ആര്‍.കെ മുനീര്‍, ആനന്ദ് ലാല്‍, ബാലന്‍ പി പങ്കെടുത്തു.