എടപ്പാള്‍: സാമൂഹ്യ വിരുദ്ധരുടെ വിളയാട്ടം മൂലം ദുരിതത്തിലായതു കര്‍ഷകരും നാട്ടുകാരും. തുയ്യം അന്ത്യാളംചിറ കണ്ണേങ്കായല്‍ ബണ്ടണ്ടിനു സമീപത്താണു കുറച്ചു കാലമായി സാമൂഹികവിരുദ്ധരുടെ വിളയാട്ടമുള്ളത്. സന്ധ്യ ആകുന്നതോടെ ഈ പ്രദേശത്തു എത്തുന്ന സംഘം ഇവിടെയിരുന്നു മദ്യപിക്കുകയും മദ്യ കുപ്പികള്‍ പൊട്ടിച്ചിടുകയും ചെയ്യുന്നു. ഇതോടെ ഇവിടുത്തെ കര്‍ഷകര്‍ ബുദ്ധിമുട്ടിലായി. പൊട്ടിയതും അല്ലാത്തുമായ മദ്യകുപ്പികളും ഭക്ഷണാവശിഷ്ടങ്ങളും മറ്റു മാലിന്യങ്ങളും പാടശേഖരത്തേക്കു വലിച്ചെറിയുന്നതിനാല്‍ കൃഷിയിറക്കാന്‍പോലും കഴിയാത്ത അവസ്ഥയിലായി. ഇതുസംബന്ധിച്ചു പലതവണ തവണ പരാതി നല്‍കിയിട്ടും പ്രശ്‌നത്തിനു പരിഹാരമാകുന്നില്ലെന്നു നാട്ടുകാര്‍ ആരോപിക്കുന്നു.