കണ്ണൂര്‍:  സര്‍ക്കാര്‍ ജീവനക്കാര്‍ക്കു ലഭിക്കുന്ന മുഴുവന്‍ ആനുകൂല്യങ്ങളും താല്‍ക്കാലികമായി ജോലി ചെയ്തു സ്ഥിരപ്പെടുത്തിയ ജീവനക്കാര്‍ക്കും നല്‍കണമെന്നു അംഗപരിമിതരായ താല്‍ക്കാലിക ജീവനക്കാരുടെ ജില്ല കണ്‍വന്‍ഷന്‍ ആവശ്യപ്പെട്ടു. സര്‍വിസില്‍ നിന്നു പിരിച്ചു വിടപ്പെട്ട ഭിന്നശേഷിയുള്ള ജീവനക്കാരുടെ പ്രശ്‌നങ്ങള്‍ ചര്‍ച്ചയിലൂടെ പരിഹരിക്കണമെന്നും കണ്‍വന്‍ഷനില്‍ ആവശ്യമുയര്‍ന്നു. ഡിഫറന്റ്‌ലി ഏബിള്‍ഡ് വെല്‍ഫെയര്‍ ഫെഡറേഷന്റെയും(ഡി.എ.ഡബ്ല്യൂ.എഫ്)ഡിഫറന്റ്‌ലി ഏബിള്‍ഡ് എംപ്ലോയിസ് ഓര്‍ഗനൈസേഷന്റയും (ഡി.എ.ഇ.ഒ) ആഭിമുഖ്യത്തില്‍ നടന്ന കണ്‍വന്‍ഷന്‍ സംസ്ഥാന ട്രഷറര്‍ പി.വി ഭാസ്‌കരന്‍ ഉദ്ഘാടനം ചെയ്തു. പി സൈലേഷ് കുമാര്‍ അധ്യക്ഷനായി. ഡി.എ.ഇ.ഒ സംസ്ഥാന സെക്രട്ടറി ടി ജയകുമാര്‍, കാസര്‍കോട് ജില്ലാ സെക്രട്ടറി എ അബൂബക്കര്‍ കോയ, സംസ്ഥാന ജനറല്‍ സെക്രട്ടറി ഒ വിജയന്‍, ജില്ലാ പ്രസിഡന്റ് എ.പി സജീന്ദ്രന്‍ സംസാരിച്ചു.