മുംബൈ: അറ്റകുറ്റപണികള്‍ നടക്കുന്നതിനാല്‍ മുംബൈ വിമാനത്താവളത്തില്‍ നിന്നുള്ള വിമാന സര്‍വീസുകള്‍ വൈകും. ഛത്രപതി ശിവജി വിമാനത്താവളത്തില്‍ നിന്ന് ഉച്ചയ്ക്കു ശേഷംമുള്ള വിമാന സര്‍വീസുകളാകും വൈകുന്നത്. അറ്റകുറ്റപണികള്‍ കാരണം വിമാനത്താവളം അഞ്ചു മണിക്കൂര്‍ അടച്ചിടുന്നതിനാലാണിത്. ചില വിമാനങ്ങള്‍ റദ്ദാക്കിയിട്ടുമുണ്ട്.

നവംബറില്‍ കൂടുതല്‍ സമയത്തേക്ക് അറ്റകുറ്റപണികള്‍ക്കായി വിമാനത്താവളം അടച്ചിടേണ്ടി വരും. കൂടുതലും ആഭ്യന്തര വിമാനങ്ങളാണ് റദ്ദാക്കുകയോ പുനക്രമീകരിക്കുകയോ ചെയ്തിരിക്കുന്നത്. ഒക്ടോബര്‍ 18 നാണ് വിമാനത്താവളത്തിന്റെ അറ്റകുറ്റപണികള്‍ ആരംഭിച്ചത്. ഇത് നവംബര്‍ അവസാന വാരം വരെ തുടരും.