എടക്കര: ചുങ്കത്തറ തലഞ്ഞി റോഡില്‍ ഓടിക്കൊണ്ടിരുന്ന കാറിന്റെ ചില്ല് തകര്‍ത്തു ബൈക്കിലെത്തിയ സംഘം കടന്നുകളഞ്ഞു. പോത്തുകല്ല് കപ്പച്ചാലി ഷെഫീഖ് (27), സഹോദരി സജ്‌ന (32) എന്നിവര്‍ സഞ്ചരിച്ച ഇന്നോവ കാറാണ് ബൈക്കിലെത്തിയ രണ്ടംഗ സംഘം അക്രമിച്ചത്.
ഓടിക്കൊണ്ടിരിക്കുന്നതിനിടയില്‍ വടി ഉപയോഗിച്ച് ചില്ല് തകര്‍ക്കുകയായിരുന്നു. മുന്‍വശത്തെ ചില്ലാണ് തകര്‍ക്കാന്‍ ശ്രമിച്ചത്. ഷെഫീഖ് സജ്‌നയെ ഭര്‍തൃഗ്രഹത്തിലേക്കു കൊണ്ടുപോകുകയായിരുന്നു. സംഭവത്തില്‍ എടക്കര പൊലിസില്‍ പരാതി നല്‍കി. ഒരാഴ്ച മുന്‍പു സമാന രീതിയില്‍ ഓട്ടോറിക്ഷയ്ക്കു നേരെ അക്രമണം നടന്നിരുന്നു.