ആറ്റിങ്ങല്‍: ദേശീയപാതയില്‍ കോരാണിക്കു സമീപം ഒന്നിനു പുറകേ ഒന്നായി മൂന്നു  വാഹനങ്ങള്‍ കൂട്ടിയിടിച്ചു ണ്ടായ അപകടത്തില്‍ ആറുപേര്‍ക്കു പരുക്കേറ്റു.
ഇന്നലെ വൈകുന്നേരം അഞ്ചരയോടെയാണ് അപകടം. കരുനാഗപ്പള്ളിസ്വദേശികളായ വികാസ് (20), മനോജ്(20), കായംകുളം സ്വദേശി ആതിര (20), കരുവാറ്റ സ്വദേശി ദാമോദരന്‍ (82), കടമ്പാട്ടുകോണം സ്വദേശി സാജിത (42), സീമന്തപുരം സ്വദേശി ലത (40) എന്നിവര്‍ക്കാണ് പരുക്കേറ്റത്.ഒരു ടിപ്പര്‍ ലോറിയും സ്വകാര്യ ട്രാവല്‍സ് ഏജന്‍സിയുടെ മിനി ബസും കെ.എസ്.ആര്‍.ടി.സി സൂപ്പര്‍ഫാസ്റ്റുമാണ് അപകടത്തില്‍പെട്ടത്. മൂന്നു വാഹനങ്ങളും ആറ്റിങ്ങല്‍ ഭാഗത്തേയ്ക്ക് വരികയായിരുന്നു. മുന്‍പേ വരികയായിരുന്ന ടിപ്പര്‍ ലോറി പെട്ടെന്ന് ബ്രേക്കിട്ടതാണ് അപകടത്തിനിടയാക്കിയതെന്ന് നാട്ടുകാര്‍ പറഞ്ഞു. ടിപ്പറിനു പിന്നില്‍  മിനിബസും  അതിനു പിന്നില്‍ കെ.എസ്.ആര്‍.ടി.സിയും ഇടിക്കുകയായിരുന്നു. കെ.എസ്.ആര്‍.ടി.സി ബസിലെ  യാത്രക്കാര്‍ക്കാണ് പരുക്കേറ്റത്. ഇവരെ  ആറ്റിങ്ങല്‍ വലിയകുന്ന് താലൂക്ക് ആശുപത്രിയില്‍ പ്രവേശിപ്പിച്ചു.