മീനങ്ങാടി: വൈ.എല്‍.ടി.പിയുടെ നേതൃത്വത്തില്‍ ബസ്സ്റ്റാന്‍ഡ് പരിസരത്തെ മാലിന്യങ്ങള്‍ നീക്കം ചെയ്തു. ആര്‍ട്ട് ഓഫ് ലിവിങ്ങിന്റെ യുവജന സംഘടനയായ വൈ.എല്‍.ടി.പിയുടെ നേതൃത്വത്തില്‍ കേരളത്തിലെ എല്ലാ ജില്ലകളിലും ശുചീകരണ പ്രവര്‍ത്തനങ്ങള്‍ നടത്തിയിരുന്നു. ഇതിന്റെ ഭാഗമായാണ് മീനങ്ങാടി ബസ്സ്റ്റാന്‍ഡ് പരിസരത്തെ പ്ലാസ്റ്റിക്ക് മാലിന്യങ്ങള്‍ ഉള്‍പ്പടെ നീക്കം ചെയ്തത്. വ്യക്തി ശുചിത്വത്തിന്റെയും പരിസര ശുചിത്വത്തിന്റെയും സന്ദേശം പൊതുജനങ്ങളിലെത്തിക്കാനാണ് പരിപാടികള്‍ സംഘടിപ്പിച്ചതെന്ന് വൈ.എല്‍.ടി.പി ജില്ലാ കോഡിനേറ്റര്‍ പി.കെ സുകുമാരന്‍ പറഞ്ഞു. ജില്ലാ സെക്രട്ടറി പ്രദീപ്, സംസ്ഥാന കമ്മിറ്റിയംഗം ആനന്ദ് എന്നിവര്‍ ശുചീകരണ പ്രവര്‍ത്തികള്‍ക്ക് നേതൃത്വം നല്‍കി.