മഞ്ചേരി: ഉപജില്ലാ ശാസ്‌ത്രോത്സവത്തിനു നെല്ലിക്കുത്ത് ഗവ. വെക്കേഷണല്‍ ഹയര്‍സെക്കന്‍ഡറി സ്‌കൂളില്‍ തുടക്കമായി. ഇന്നലെ ഗണിത ശാസ്ത്ര-ഐ.ടി മേളകള്‍ നടന്നു. ഇന്ന് ശാസ്ത്ര -സമൂഹ്യശാസ്ത്ര ഐ.ടി മേളാ മത്സരങ്ങളും നാളെ പ്രവൃത്തിപരിചയ ഐ.ടി മേളകളും നടക്കും.
മഞ്ചേരി നഗരസഭാധ്യക്ഷ വി.എം സുബൈദ ഉദ്ഘാടനം ചെയ്തു. ഉപാധ്യക്ഷന്‍ വി.പി ഫിറോസ് അധ്യക്ഷനായി. സ്ഥിരംസമിതി ചെയര്‍മാന്‍ വി.പി കബീര്‍, കൗണ്‍സിലര്‍ എം.വി അബൂബക്കര്‍, പി.ടി.എ പ്രസിഡന്റ് കെ.ഇ അബ്ദുല്ലാനാസര്‍, എസ്.എം.സി ചെയര്‍മാന്‍ കുഞ്ഞിപ്പ മാസ്റ്റര്‍, മഞ്ചേരി എ.ഇ.ഒ അബ്ദുല്‍ ബഷീര്‍, പ്രിന്‍സിപ്പല്‍ കെ. ബാബുരാജന്‍, ഹയര്‍സെക്കന്‍ഡറി പ്രിന്‍സിപ്പല്‍ എം. ഷൗക്കത്തലി, വി.എസ് പൊന്നമ്മ, സി.ഉദയകുമാര്‍, പി.ടി.എ വൈസ് പ്രസിഡന്റ് ഉമ്മര്‍ കോയ മാസ്റ്റര്‍ സംസാരിച്ചു.