തിരൂര്‍: ആസ്വാദകന്‍ ഒരേസമയം സൗന്ദര്യാനുഭവത്തിന്റെയും രാഷ്ട്രീയാനുഭവത്തിന്റെയും കര്‍ത്താവാണെന്നു ചിന്തകനും ഡല്‍ഹി ജെ.എന്‍.യുവിലെ സെന്റര്‍ ഫോര്‍ ഇംഗ്ലീഷ് സ്റ്റഡീസ് പ്രൊഫസറുമായ ഡോ. ഉദയകുമാര്‍. മലയാള സര്‍വകലാശാലയില്‍ 'സാഹിത്യവും സ്വത്വരൂപങ്ങളും' എന്ന വിഷയത്തെ അധികരിച്ച് പ്രഭാഷണം നടത്തുകയായിരുന്നു അദ്ദേഹം. വൈസ് ചാന്‍സലര്‍ കെ. ജയകുമാര്‍ അധ്യക്ഷനായി. രജിസ്ട്രാര്‍ ഡോ. കെ.എം ഭരതന്‍ സ്വാഗതവും ഡോ. ടി. അനിതകുമാരി നന്ദിയും പറഞ്ഞു.