പുത്തനത്താണി: ജില്ലാ വനിതാ ലഹരി നിര്‍മാര്‍ജന സമിതി ജില്ലയില്‍ വ്യാപകമായി നടത്തുന്ന ലഹരിവിരുദ്ധ ബോധവല്‍ക്കരണത്തിന്റെ ഭാഗമായി കടുങ്ങാത്ത്കുണ്ട് ആമിന ഐ.ടി.ഐ ഹാളില്‍ തീരദേശ മേഖല കാംപയിന്‍ സംഘടിപ്പിച്ചു. ജില്ലാപഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ഉദ്ഘാടനം ചെയ്തു. മാനേജിങ ട്രസ്റ്റി ഇബ്രാഹീം ഹാജി അധ്യക്ഷനായി.
കുറുക്കോളി മൊയ്തീന്‍ മുഖ്യപ്രഭാഷണം നിര്‍വഹിച്ചു. ഒ.കെ കുഞ്ഞിക്കോമു മാസ്റ്റര്‍ വിഷയാവതരണം നടത്തി. യൂനിയന്‍ ചെയര്‍മാന്‍ മുഹമ്മദ് നിസാര്‍, കെ.പി വഹീദ, എ. ഇബ്രാഹീം മാസ്റ്റര്‍,പഞ്ചായത്ത് പ്രസിഡന്റ് സാബിറ, പി.എം അവറാന്‍കുട്ടി സംസാരിച്ചു.

അക്ഷരജാഥ നടത്തി

വളാഞ്ചേരി: കേരളപ്പിറവിയോടനുബന്ധിച്ച് എം.ഇ.എസ് ഹയര്‍സെക്കന്‍ഡറി സ്‌കൂള്‍ വിദ്യാര്‍ഥികള്‍ സംഘടിപ്പിച്ച അക്ഷരജാഥ പ്രധാനാധ്യാപകന്‍ അഷ്‌റഫലി കാളിയത്ത് ഉദ്ഘാടനം ചെയ്തു. മനുമാത്യു, അനിത, ഷീബദേവി, നവാസ്, അനീഷ സംസാരിച്ചു.