തിരുവനന്തപുരം: നേമത്ത് എല്‍.ഡി.എഫും യു.ഡി.എഫും ഒത്തുകളിച്ചെന്ന് ബി.ജെ.പി സ്ഥാനാര്‍ഥി ഒ.രാജഗോപാല്‍. കേന്ദ്ര നേതൃത്വം ഇടപെട്ടായിരുന്നു ഒത്തുകളി. സുരേന്ദ്രന്‍ പിള്ളയെ നിര്‍ത്തിയത് തന്നെ ക്രോസ് വോട്ടിംങിനാണെന്നും പലയിടത്തും കോണ്‍ഗ്രസുകാരെ ബൂത്തില്‍ പോലും കണ്ടില്ലെന്നും അദ്ദേഹം പറഞ്ഞു. എന്നാല്‍ ഇതിനെ മറികടന്ന് നേമത്ത് 8000 വോട്ടിന് ജയിക്കുമെന്നും ഒ. രാജഗോപാല്‍ പറഞ്ഞു.

ബി.ജെ.പിയെ തോല്‍പ്പിക്കാന്‍ എല്‍.ഡി.എഫും യു.ഡി.എഫും വോട്ട് മറിച്ചെന്ന് ബി.ജെ.പി സംസ്ഥാന അധ്യക്ഷന്‍ കുമ്മനം രാജശേഖരനും ആരോപിച്ചു. വട്ടിയൂര്‍ക്കാവിലടക്കം ഒത്തുകളിച്ചു.നീക്കുപോക്കുകള്‍ മറികടന്ന് ബി.ജെ.പി വിജയിക്കുമെന്നും അദ്ദേഹം പറഞ്ഞു.