അമ്പലവയല്‍: പുനര്‍ നിര്‍മാണം പൂര്‍ത്തീകരിച്ച അമ്പലവയല്‍ ജുമാ മസ്ജിദിന്റെ ഉദ്ഘാടന പ്രഖ്യാപനവും സംഘാടക സമിതി രൂപീകരണവും അമ്പലവയല്‍ മദ്‌റസ ഹാളില്‍ നടത്തി. ഖത്തീബ് ഉമര്‍ നിസാമി ഉദ്ഘാടന പ്രഖ്യാപനം നടത്തി.
ഡിസംബര്‍ ഒന്ന്, രണ്ട് തിയതികളില്‍ മതപ്രഭാഷണവും മൂന്നിന് അസര്‍ നിസ്‌കാരത്തിന് നേതൃത്വം നല്‍കി സ്വാദിഖലി ശിഹാബ് തങ്ങള്‍ ഉദ്ഘാടനവും നിര്‍വഹിക്കും. പൊതുസമ്മേളനത്തില്‍ സമസ്ത കേരള ജംഇയ്യത്തുല്‍ ഉലമാ ജന.സെക്രട്ടറി പ്രൊ. കെ ആലികുട്ടി മുസ്‌ലിയാര്‍, സെയ്ദ് മുഹമ്മദ് നിസാമി, കെ.ടി ഹംസ മുസ്‌ലിയാര്‍, വി മൂസക്കോയ മുസ്‌ലിയാര്‍ സംബന്ധിക്കും. യോഗത്തില്‍ നിര്‍മാണ കമ്മിറ്റി ചെയര്‍മാന്‍ കണക്കയില്‍ മുഹമ്മദ് ഹാജി അധ്യക്ഷനായി.
കണ്‍വീനര്‍ യൂസഫ് ഹാജി, പ്രസിഡന്റ് അലവികുട്ടി ഹാജി, സെക്രട്ടറി മൊയ്തീന്‍ ഹാജി സംസാരിച്ചു.