കല്‍പ്പറ്റ: ജില്ലാ സ്‌പോര്‍ട്‌സ് കൗണ്‍സിലിന്റെ നേതൃത്വത്തില്‍ നവംബര്‍ അഞ്ചിന് കല്‍പ്പറ്റ പിണങ്ങോട് ജങ്ഷനിലുള്ള ട്രെഡന്റ് ആര്‍ക്കേഡ് ഓഡിറ്റോറിയത്തില്‍ വയനാട്ടിലെ 'കായിക മേഖലയിലെ സാധ്യതകള്‍' എന്ന വിഷയത്തില്‍ സെമിനാര്‍ നടത്തും. രാവിലെ 10.30ന് നടക്കുന്ന സെമിനാറിന് സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍, കമാല്‍ വരദൂര്‍ എന്നിവര്‍ നേതൃത്വം നല്‍കും.
സംസ്ഥാന, ദേശീയ, അന്തര്‍ദേശിയ കായിക മത്സരങ്ങളില്‍ മികച്ച നേട്ടം കൈവരിച്ച കായികതാരങ്ങളുടെ ഒത്തുചേരല്‍ ഉച്ചക്ക് രണ്ടിന് നടക്കും. ചടങ്ങില്‍ ജില്ലയില്‍ നിന്നും മികച്ച വിജയം കൈവരിച്ച കായികതാരങ്ങളെ അനുമോദിക്കും. ജില്ലാ പഞ്ചായത്ത് പ്രസിഡന്റ് ടി ഉഷാകുമാരി, ജില്ലാ കലക്ടര്‍ ഡോ.ബി.എസ് തിരുമേനി, ജില്ലാ പൊലിസ് മേധാവി കെ കാര്‍ത്തിക്, നഗരസഭാ ചെയര്‍മാന്‍മാര്‍ ബിന്ദു ജോസ്, ഒളിമ്പ്യന്‍ ഒ.പി ജെയ്ഷ, ഒളിമ്പ്യന്‍ ടി ഗോപി തുടങ്ങിയവര്‍ പങ്കെടുക്കുമെന്ന് ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് എം മധു അറിയിച്ചു.