കല്ല്യാശ്ശേരി: മോഡല്‍ പഞ്ചായത്ത് എക്സ്റ്റന്‍ഷന്‍ പ്ലാന്‍ പദ്ധതിയുടെ ഭാഗമായി കല്ല്യാശ്ശേരി കൃഷിഭവന്റെ നേതൃത്വത്തില്‍ കര്‍ഷക തല്‍പര ഗ്രൂപ്പുകളുടെ ശാക്തീകരണ യന്ത്രവത്കരണ പരിശീലനം സംഘടിപ്പിച്ചു. അറവാടിത്താവയ്ക്കു സമീപം ഇരിണാവ് ഹരിത പച്ചക്കറി ക്ലസ്റ്ററില്‍ ട്രാക്ടര്‍ പരിശീലനം പി.പി കുഞ്ഞിക്കണ്ണന്‍ ഉദ്ഘാടനം ചെയ്തു. കൃഷി ഓഫിസര്‍ പി ലത, ഹരിത ക്ലസ്റ്റര്‍ കണ്‍വീനര്‍ കെ ജനാര്‍ദ്ധനന്‍, കോഓര്‍ഡിനേറ്റര്‍ കെ രാജീവന്‍, പ്രസിഡന്റ് പി.പി ശശികുമാര്‍, കൃഷി അസിസ്റ്റന്റ് കെ രജനി പങ്കെടുത്തു.