സൂറത്ത്: പുലിയുടെ ആക്രമണത്തില്‍ എട്ടു വയസുള്ള പെണ്‍കുട്ടി കൊല്ലപ്പെട്ടു.

ഉമര്‍പാദയിലുള്ള വാദിഫാലിയ ഗ്രാമത്തില്‍ നികിത വാസവ എന്ന പെണ്‍കുട്ടിയാണ് കൊല്ലപ്പെട്ടത്.

ഒരു മാസത്തിനിടെ മേഖലയിലെ രണ്ടാമത്തെ ആക്രമണമാണിത്.

കൂട്ടുകാരോടൊപ്പം പോകുമ്പോഴായിരുന്നു നികിതയെ പുലി ആക്രമിച്ചത്.  കൂടെയുണ്ടായിരുന്ന കുട്ടികളുടെ കരച്ചില്‍ കേട്ടെത്തിയ ഗ്രാമവാസികളെ കണ്ടതോടെ കുട്ടിയെ ഉപേക്ഷിച്ച് പുലി കാട്ടിലേക്ക് മറഞ്ഞു. എന്നാല്‍ അപ്പോഴേക്കും നികിത മരിച്ചിരുന്നു.