കാട്ടാക്കട: കള്ളിക്കാട് ചെക്ക്‌പോസ്റ്റില്‍ അനധികൃതമായി കടത്തി കൊണ്ട് വന്ന പാന്‍ മസാലകള്‍ പിടികൂടി. കുറ്റിച്ചല്‍ പരുത്തി പള്ളി സര്‍ക്കാര്‍ ആശുപത്രിക്ക് സമീപം മാമുട് റോഡരികത്ത് വീട്ടില്‍ ഹര്‍ഷാദ് (20), ചിറയ്‌ക്കോണം ഉഷാ വിലാസം ആനന്ദ് (21) എന്നിവരെ കസ്റ്റഡിയില്‍ എടുത്തു. ഗണേശ്, കൂള്‍ എന്നീ ലേബലുകളിലെ 358 പാക്കറ്റ് പാന്‍മസാലയാണ് ഇവര്‍ സ്‌കൂട്ടറില്‍ ഒളിപ്പിച്ചു കടത്താന്‍ ശ്രമിച്ചത്. ഇന്നലെ രാവിലെ 1150 ഓടെയാണ് ആക്ടീവയില്‍ കടത്തവെ ചെക്ക് പോസ്റ്റില്‍ പിടികൂടിയത്. പിന്നീട് ഇവരെ നെയ്യാര്‍ഡാം പൊലിസിന് കൈമാറി കേസ് രജിസ്റ്റര്‍ ചെയ്തു.