കോഴിക്കോട്: അരൂഹ ട്രാവല്‍സിന്റെ ഈ വര്‍ഷത്തെ ആദ്യ ഉംറ സംഘം കോഴിക്കോട് വിമാനത്താവളത്തില്‍ നിന്ന് യാത്രതിരിച്ചു. പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഗ്രൂപ്പ് അമീര്‍ അബ്ദുറഹ്മാന്‍ ദാരിമി വൈത്തിരിക്ക് യാത്രാ രേഖകള്‍ കൈമാറി ഉദ്ഘാടനം ചെയ്തു.
ചടങ്ങില്‍ അരൂഹ ഗ്രൂപ്പ് ചെയര്‍മാന്‍ നജീബ് കാന്തപുരം, ചീഫ് അമീര്‍ അബ്ദുല്‍ റസാഖ് ബുസ്താനി, ഓപറേഷന്‍സ് മനജേര്‍ സലിം മിലാസ്, അമീറുമാരായ അബ്ദുറഹ്മാന്‍ ദാരിമി ചീക്കോട്, പി.ടി അബ്ദുല്ല ബാഖവി പൂളപ്പൊയില്‍ സംബന്ധിച്ചു.

മാര്‍ച്ച് നാളെ

കോഴിക്കോട്: ഐക്യരാഷ്ട്രസഭയുടെ ആഭിമുഖ്യത്തിലുള്ള അന്താരാഷ്ട്ര കാലാവസ്ഥാ വ്യതിയാന ഉച്ചകോടിക്ക് പിന്തുണ പ്രഖ്യാപിച്ച് അഞ്ചിനു കോഴിക്കോട്ട് നടക്കുന്ന അന്താരാഷ്ട്ര കാലാവസ്ഥാ വ്യതിയാന മാര്‍ച്ചിന് ഒരുക്കം പൂര്‍ത്തിയായി. പൊതുസമ്മേളന വേദിയായ മുതലക്കുള മൈതാനിയില്‍ ഇന്നലെ പതാക ഉയര്‍ത്തി.
നാളെ വൈകിട്ട് മൂന്നിന് കോര്‍പറേഷന്‍ സ്റ്റേഡിയത്തിന് പുറകുവശത്ത് കേന്ദ്രീകരിച്ചാണ് മാര്‍ച്ച് ആരംഭിക്കുക. സംസ്ഥാനത്തിന്റെ വിവിധ ഭാഗങ്ങളില്‍ നിന്നുള്ള നൂറുക്കണക്കിന് പരിസ്ഥിതി പ്രവര്‍ത്തകര്‍ മാര്‍ച്ചില്‍ അണിനിരക്കും.