ഇസ്ലാമാബാദ്: വ്യാജ തിരിച്ചറിയല്‍ രേഖകള്‍ നിര്‍മിച്ചതിന് പാകിസ്താന്‍ കസ്റ്റഡിയിലെടുത്ത അഫ്ഗാന്‍ മൊണാലിസ ഷര്‍ബത്ത് ഗുലയെ ആശുപത്രിയില്‍ പ്രവേശിപ്പിച്ചു. നിലത്തു വീണ് പരുക്കേറ്റതിനെ തുടര്‍ന്നാണ് ആശുപത്രിയില്‍ പ്രവേശിപ്പിച്ചതെന്ന് പാക് വിദേശകാര്യമന്ത്രാലയം അറിയിച്ചു.

കഴിഞ്ഞയാഴ്ചയാണ് ഗുലയെ ഫെഡറല്‍ ഇന്‍വെസ്റ്റിഗേഷന്‍ ഏജന്‍സി (എഫ്‌ഐഎ) അറസ്റ്റു ചെയ്തത്. പെഷവാറിലെ കോടതി ഗുലയുടെ ജാമ്യാപേക്ഷ തളളിയിരുന്നു.

1984 ല്‍ അഫ്ഗാനിസ്താനിലെ യുദ്ധകാലത്താണ് ഷര്‍ബത്ത് ഗുലയുടെ ചിത്രം നാഷണല്‍ ജ്യോഗ്രഫിക് മാഗസിന്‍ പുറത്തുവിട്ടത്.