അഞ്ചരക്കണ്ടി: കണ്ണൂര്‍ മെഡിക്കല്‍ കോളജ് സമരം ഒത്തുതീര്‍പ്പാക്കുന്നതിനായി നടത്തിയ ചര്‍ച്ച വീണ്ടും പരാജയപ്പെട്ടു. തിരുവനന്തപുരത്ത് ഇന്നലെ തൊഴില്‍ വകുപ്പ് മന്ത്രിയുടെ സാന്നിധ്യത്തിലാണ് ചര്‍ച്ച നടന്നത്. ഇരുവിഭാഗവും വിട്ടുവീഴ്ചക്കു തയാറാവാത്തതോടെയാണ് ചര്‍ച്ച പരാജയപ്പെട്ടത്. മാനേജ്‌മെന്റിനെ പ്രതിനിധീകരിച്ച് ഡോ ഹാഷിം, അഡ്വ ഗോപകുമാര്‍, പ്രിന്‍സിപ്പല്‍ നസറുദീന്‍ എന്നിവരും തൊഴിലാളികളെ പ്രതിനിധീകരിച്ച് സി.ഐ.ടി.യു സംസ്ഥാന സെക്രട്ടറി കെ.പി സഹദേവന്‍, വി.വി ബാലകൃഷ്ണന്‍ എന്നിവരും പങ്കെടുത്തു

ആര്‍.എസ്.എസ് പ്രവര്‍ത്തകന്റെ വീടിനു മുന്നില്‍ റീത്ത്

മട്ടന്നൂര്‍: ആര്‍.എസ്.എസ് നെല്ലൂന്നി ശാഖ ശിക്ഷക് നെല്ലൂന്നി താഴെ പഴശ്ശിയിലെ കെ ശരത്തിന്റെ വീട്ടു വരാന്തയില്‍ റീത്ത് വെച്ച നിലയില്‍.
വരാന്തയില്‍ വാതിലിനു മുന്നിലായിട്ടാണ് വാഴയിലയോടൊപ്പം റീത്ത് കണ്ടെത്തിയത്. ഇന്നലെ പുലര്‍ച്ചെയോടെയാണ് സംഭവം. പൊലിസില്‍ വിവരം അറിയിച്ചതിനെ തുടര്‍ന്ന് മട്ടന്നൂര്‍ എസ്.ഐ എം.പി ബിനീഷും സംഘവും സ്ഥലത്തെത്തി. സി.പി.എം നേതൃത്വമാണ് സംഭവത്തിനു പിന്നിലെന്ന് ബി.ജെ.പി ആരോപിച്ചു.