ഭാരത് ഹെവി ഇലക്ട്രോണിക്‌സിന്റെ ബംഗളൂരുവിലുള്ള ഇലക്ട്രോണിക്‌സ് ഡിവിഷനില്‍ ട്രേഡ് അപ്രന്റിസ്ഷിപ്പിന് അപേക്ഷ ക്ഷണിച്ചു. ഇലക്ട്രീഷ്യന്‍, ഫിറ്റര്‍, പ്രോഗ്രാമിങ് ആന്‍ഡ് സിസ്റ്റം അഡ്മിനിസ്‌ട്രേഷന്‍ അസിസ്റ്റന്റ്, മെക്കാനിക് റെഫ്രിജറേഷന്‍ ആന്‍ഡ് എയര്‍കണ്ടീഷനിങ് മെഷീന്‍), ഇലക്ട്രോണിക്‌സ് മെക്കാനിക്, ടേണര്‍, വെല്‍ഡര്‍ (ഗാസ്, ഇലക്ട്രിക്), ഡീസല്‍ മെക്കാനിക്, ഡ്രോട്‌സ്മാന്‍ (മെക്കാനിക്കല്‍), ടൂള്‍ ആന്‍ഡ് ഡൈ മേക്കര്‍, കംപ്യൂട്ടര്‍ ഓപറേറ്റര്‍ ആന്‍ഡ് പ്രോഗ്രാമിങ് അസിസ്റ്റന്റ് എന്നീ ട്രേഡുകളിലായി 386 ഒഴിവുകളാണുള്ളത്.
അപേക്ഷിക്കാനുള്ള യോഗ്യത: അനുബന്ധ ട്രേഡുകളില്‍ ഐ.ടി.ഐ (എന്‍.സി.വി.ടി. എസ്.സി.വി.ടി).പ്രായപരിധി: 2016 ഒക്ടോബര്‍ ഒന്നിന് 27 വയസ്. നിയമാനുസൃത ഇളവ് ലഭിക്കും.
എന്‍.സി.വി.ടിക്കാര്‍ക്ക് ഒരുവര്‍ഷവും എസ്.സി.വി.ടിക്കാര്‍ക്ക് രണ്ടു വര്‍ഷവുമായിരിക്കും ട്രെയിനിങ് കാലാവധി. ഇതിനുമുന്‍പു ട്രേഡ് അപ്രന്റിസ്ഷിപ്പ് പൂര്‍ത്തിയാക്കിയവര്‍ അപേക്ഷിക്കേണ്ടതില്ല.
ഓണ്‍ലൈന്‍ അപേക്ഷയ്ക്കും കൂടുതല്‍ വിവരങ്ങള്‍ക്കും: http:www.bhel.comhome.php എന്ന വെബ്‌സൈറ്റ് സന്ദര്‍ശിക്കുക.