പി.പി തങ്ങള്‍ ആണ്ടുനേര്‍ച്ച ഇന്നുമുതല്‍

backup

November 04 2016 | 20:11 PM

%e0%b4%aa%e0%b4%bf-%e0%b4%aa%e0%b4%bf-%e0%b4%a4%e0%b4%99%e0%b5%8d%e0%b4%99%e0%b4%b3%e0%b5%8d%e2%80%8d-%e0%b4%86%e0%b4%a3%e0%b5%8d%e0%b4%9f%e0%b5%81%e0%b4%a8%e0%b5%87%e0%b4%b0%e0%b5%8d%e2%80%8d

താനൂര്‍: പി.പി തങ്ങള്‍ ഏഴാമത് ആണ്ടുനേര്‍ച്ചയും സ്വലാത്ത് വാര്‍ഷികവും ഇന്നു കണ്ണന്തളിയില്‍ നടക്കും. 2.30നു സയ്യിദ് അബ്ദുല്‍ഖാദര്‍ ഹസനി ആറ്റക്കോയ തങ്ങള്‍ പതാക ഉയര്‍ത്തും. കൂട്ട സിയാറത്തിനു സയ്യിദ് നിസാമുദ്ദീന്‍ ഹസനി തങ്ങള്‍ നേതൃത്വം നല്‍കും. വൈകിട്ട് ആറിന് ആത്മീയ സംഗമം സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും.
അത്തിപ്പറ്റ മൊയ്തീന്‍കുട്ടി മുസ്‌ലിയാര്‍ ദുആയ്ക്കു നേതൃത്വം നല്‍കും. ഖലീല്‍ ഹുദവി തളങ്കര മുഖ്യപ്രഭാഷണം നടത്തും. വി. അബ്ദുറഹ്മാന്‍ എം.എല്‍.എ, സി.കെ.എം ബാപ്പുഹാജി, കെ.പി തങ്ങള്‍, സൈദാലിക്കുട്ടി ഫൈസി കോറാട്, ഹസന്‍ സഖാഫി പൂക്കോട്ടൂര്‍ സംബന്ധിക്കും. നാള 10ന് അന്നദാനം നടക്കും. സമാപന സമ്മേളനം സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത മുശാവറ അംഗം മരക്കാര്‍ ഫൈസി അധ്യക്ഷനാകും. അഡ്വ. എന്‍. ശംസുദ്ദീന്‍ എം.എല്‍.എ, ജില്ലാ പഞ്ചായത്ത് പ്രസിഡന്റ് എ.പി ഉണ്ണി കൃഷ്ണന്‍ എന്നിവര്‍ മുഖ്യാതിഥികളാകും.
നൗഷാദ് ബാഖവി ചിറയിന്‍കീഴ് മുഖ്യ പ്രഭാഷണം നടത്തും. കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി, ഫഖ്‌റുദ്ദീന്‍ ഹസനി തങ്ങള്‍, ഹാഫിള് മിഖ്ദാദ് ഹസനി, അബ്ദുല്‍ഖാദര്‍ മുത്തുകോയ തങ്ങള്‍, നൂഹ് കരിങ്കപ്പാറ, കെ.എന്‍.എസ് തങ്ങള്‍, ശഹീര്‍ അന്‍വരി പുറങ്ങ്, ഹാറൂന്‍ റഷീദ് സംബന്ധിക്കും.

'

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."