മഞ്ചേരി: നെല്ലിക്കുത്ത് ഗവ.വൊക്കേഷനല്‍ ഹയര്‍സെക്കന്‍ഡറി സ്‌കൂളില്‍  നടന്ന മഞ്ചേരി ഉപജില്ലാ ശാസ്‌ത്രോത്സവം സമാപിച്ചു. സാമൂഹ്യശാസ്ത്ര മേളയില്‍ ഐ.ഒ.എച്ച്.എസ് എടവണ്ണ (എച്ച്.എസ്.എസ്), നെല്ലിക്കുത്ത് ജി.വി.എച്ച്.എസ്.എസ് (എച്ച്.എസ്), തുറക്കല്‍ എച്ച്.എം.എസ്.എ യു.പി (യു.പി), ജി.എല്‍.പി.എസ് വേട്ടേക്കോട് (എല്‍.പി) എന്നിവര്‍ ചാമ്പ്യന്‍മാരായി. ഗണിതശാസ്ത്രമേളയില്‍ ജി.എം.എല്‍.പി സ്‌കൂള്‍ മംഗലശ്ശേരി, ജി.എല്‍.പി.എസ് കരുവമ്പ്രം വെസ്റ്റ്  (എല്‍പി) എന്നിവര്‍  ഓവറോള്‍ ചാമ്പ്യന്‍മാരായി.
യു.പിവിഭാഗത്തില്‍ ജി.ബി.എച്ച്.എസ്.എസ് മഞ്ചേരിയും, ഹൈസ്‌കൂള്‍ വിഭാഗത്തില്‍  ജി.ജി.എച്ച്.എസ്.എസ് മഞ്ചേരിയും ഹയര്‍സെക്കന്‍ഡറി വിഭാഗത്തില്‍ എച്ച്.എം.വൈ.എച്ച്.എസ്.എസ് മഞ്ചേരിയും ചാമ്പ്യന്മാരായി.
ശാസ്ത്രമേളയില്‍ എല്‍.പി വിഭാഗത്തിലും യു.പി വിഭാഗത്തിലും എ.യു.പി.എസ് കാരക്കുന്നാണ് ഓവറോള്‍ ചാമ്പ്യന്മാരായത്. ഹൈസ്‌കൂള്‍ വിഭാഗത്തിലും ഹയര്‍സെക്കന്‍ഡറി വിഭാഗത്തിലും ജി.ബി.എച്ച്.എസ്.എസ് മഞ്ചേരിക്കാണ് ഓവറോള്‍ ചാമ്പ്യഷിപ്പ്.  ഐ.ടി മേളയില്‍ യു.പി വിഭാഗത്തില്‍ എച്ച്.എം.എസ്.എ യു.പി സ്‌കൂളും ഹൈസ്‌കൂള്‍ വിഭാഗത്തിലും ഹയര്‍സെക്കന്‍ഡറി വിഭാഗത്തിലും എച്ച്.എം.വൈ.എച്ച്.എസ് മഞ്ചേരിയും  ഓവറോള്‍ ചാമ്പ്യന്മാരായി.
സമാപന സമ്മേളനം മഞ്ചേരി മുനിസിപ്പല്‍ സ്ഥിരംസമിതി ചെയര്‍മാന്‍ പി.പി കബീര്‍ ഉദ്ഘാടനം ചെയ്തു. കൗണ്‍സിലര്‍ എം.വി അബൂബക്കര്‍ അധ്യക്ഷനായി. കെ.ഇ ബാബുരാജന്‍, എം ഷൗത്തലി, പി.എസ് മുഹമ്മദ് ബഷീര്‍, വി.എസ് പൊന്നമ്മ, കെ.ഇ അബ്ദുല്ല നാസര്‍ സംസാരിച്ചു.