തളിപ്പറമ്പ് : ചന്ദനമരം മുറിച്ചു കടത്തിയ അഞ്ചംഗ സംഘം പിടിയിലായി. വനംവകുപ്പ് റെയിഞ്ച് ഓഫിസര്‍ സോളമന്‍ ടി ജോര്‍ജിന്റെ നേതൃത്വത്തില്‍ നടത്തിയ പരിശോധനയിലാണ് കുറ്റിയാട്ടൂര്‍ സ്വദേശികളായ ശ്രേയസ് ഹൗസില്‍ സി ദാമോദരന്‍, പി മോഹനന്‍,പി പ്രദീപന്‍, ചട്ടുകപ്പാറയിലെ കെ ബാബു, മൊറാഴ പണ്ണേരിയിലെ കെ.കെ സുരേന്ദ്രന്‍ എന്നിവര്‍ അറസ്റ്റിലായത്. ഇവരില്‍ നിന്നു അഞ്ചരക്കിലോ തൂക്കം വരുന്ന 18 ചന്ദനമുട്ടികളും 26 കിലോ തൂക്കം വരുന്ന ചെത്താത്ത 15 ചന്ദനമുട്ടികളും മരംമുറിക്കാനുപയോഗിക്കുന്ന ഉപകരണങ്ങളും പിടിച്ചെടുത്തു. ചെറുകുന്ന് റോഡിലെ പണ്ണേരിയിലെ തീയ്യസമുദായ ശ്മശാനത്തിലെ ചന്ദനമരങ്ങള്‍ മുറിച്ചു കടത്താന്‍ ശ്രമിക്കുമ്പോഴാണ് ഇവര്‍ പിടിയിലായത്. രഹസ്യവിവരത്തിന്റെ അടിസ്ഥാനത്തിലാണ് സോളമന്‍ ടി ജോര്‍ജ്ജിന്റെ നേതൃത്വത്തിലുള്ള ഉദ്യോഗസ്ഥര്‍ പരിശോധന നടത്തിയത്. തളിപ്പറമ്പ് കോടതി റിമാന്‍ഡ് ചെയ്തു.