കൊച്ചി: പാലാരിവട്ടം എസ്.എന്‍ ജങ്ഷനു സമീപമുള്ള ബഹുനിലകെട്ടിടത്തിന്റെ ആറാം നിലയില്‍ വന്‍ തീപിടിത്തം. താടിക്കാരന്‍ ബില്‍ഡിങ്ങിലെ ആറാം നിലയിലെ ഇലക്ട്രോണിക്‌സ് ഉപകരണങ്ങള്‍ വില്‍ക്കുന്ന കടയിലാണ് തീപിടിത്തമുണ്ടായത്.  ഇന്നലെ വൈകിട്ട് ആറരയോടെ കെട്ടിടത്തിന്റെ ആറാം നിലയില്‍ നിന്നും തീയും പുകയും ഉയരുകയായിരുന്നു. സംഭവം കണ്ട ജനങ്ങളാണ് ഫയര്‍ ഫോഴ്‌സിനെ വിവിരമറിയിച്ചത്. മണിക്കൂറുകള്‍ നീണ്ട പരിശ്രമിത്തിനൊടുവില്‍ രാത്രി ഏറെ വൈകിയാണ് തീയണച്ചത്.
ഷോര്‍ട്ട് സര്‍ക്യൂട്ടാണ് കാരണമെന്നാണ് പ്രാഥമിക നിഗമനം. ഗാന്ധിനഗര്‍, ക്ലബ് റോഡ്,  തൃപ്പൂണിത്തുറ, തൃക്കാക്കര എന്നിവിടങ്ങളില്‍ നിന്നുള്ള അഗ്‌നിശമന യൂനിറ്റുകളുടെ നേതൃത്വത്തിലാണ് തീയണച്ചത്. തീപിടുത്തത്തെ തുടര്‍ന്ന് പാലാരിവട്ടം കാക്കനാട് ഭാഗങ്ങളില്‍ മണിക്കൂറുകളോളം ഗതാഗതം സ്തംഭിച്ചു.