വാടാനപ്പള്ളി: കൊച്ചിയില്‍ നടക്കുന്ന ബ്രിക്‌സ് അന്താരാഷ്ട്ര സമ്മേളനത്തില്‍ പങ്കെടുക്കുന്ന വിവിധ രാജ്യങ്ങളില്‍ നിന്നുള്ള പ്രതിനിധി സംഘം തളിക്കുളം ഗ്രാമപഞ്ചായത്തില്‍ സന്ദര്‍ശനം നടത്തി. ബ്രിക്‌സിലെ ബ്രസീല്‍, റഷ്യ, ഇന്ത്യ, ചൈന, ദക്ഷിണാഫ്രിക്ക എന്നീ അംഗരാജ്യങ്ങളുടെ ഇരുപത്തി അഞ്ച് അംഗ സംഘമാണ് തളിക്കുളത്ത് എത്തിയത്. പ്രതിനിധി സംഘത്തെ കവുങ്ങില്‍ പാളകൊണ്ട് നിര്‍മ്മിച്ച ബൊക്കെ നല്‍കി ഗ്രാമപഞ്ചായത്ത് പ്രസിഡന്റ് കെ.കെ രജനി സ്വീകരിച്ചു.
വിവിധ വര്‍ക്കിങ്ങ് ഗ്രൂപ്പ് അംഗങ്ങളുമായി പ്രതിനിധി സംഘം പദ്ധതി പ്രവര്‍ത്തനങ്ങളെക്കുറിച്ച് ചര്‍ച്ച നടത്തി. കുടുംബശ്രീ പ്രവര്‍ത്തനങ്ങളെയും കുറിച്ച് സംഘം വിലയിരുത്തി. ഗ്രാമപഞ്ചായത്ത് വൈസ് പ്രസിഡന്റ് എം.കെ ബാബു, ഇ.പി.കെ സുഭാഷിണി, പഞ്ചായത്ത് സെക്രട്ടറി ബെനഡിക്ട് ആന്റണി എന്നിവര്‍ പങ്കെടുത്തു.