തൃപ്രയാര്‍: കിഴുപ്പിള്ളിക്കര ഗവണ്‍മെന്റ് നളന്ദ ഹയര്‍ സെക്കന്‍ഡറി സ്‌കൂളിന്റെ പ്രഥമ പ്രധാന അധ്യാപകനായിരുന്ന വി.ശ്രീധരന്‍ സ്മാരക മന്ദിരത്തിന്റെ ഉദ്ഘാടനം ഇന്ന് നടക്കുമെന്ന് സ്വാഗതസംഘം ഭാരവാഹികള്‍ അറിയിച്ചു. ഉച്ചക്ക് 12ന് നടക്കുന്ന ചടങ്ങ് വിദ്യാഭ്യാസ മന്ത്രി പ്രൊഫ.സി.രവീന്ദ്രനാഥ് ഉദ്ഘാടനം ചെയ്യും. ഗീതാഗോപി എം.എല്‍.എ അധ്യക്ഷയാകും.
ഗീതാ ഗോപി എം.എല്‍.എയുടെ ആസ്തി വികസന ഫണ്ടില്‍ നിന്നും അനുവദിച്ച അന്‍പത് ലക്ഷം രൂപ ചെലവിട്ടാണ് 2800 ചതുരശ്ര അടി വിസ്തീര്‍ണ്ണത്തില്‍ യു.പി വിഭാഗം വിദ്യാര്‍ഥികള്‍ക്കായി നാല് ക്ലാസ് മുറികളുള്ള ആധുനിക കെട്ടിടം നിര്‍മിച്ചിട്ടുള്ളത്. വാര്‍ത്താ സമ്മേളനത്തില്‍ സ്വാഗതസംഘം കണ്‍വീനര്‍ കെ.സി ബൈജു, ട്രഷറര്‍ കെ.ജി ശിവലാല്‍,  പ്രിന്‍സിപ്പാള്‍ ടി.സി സുബ്രഹ്മണ്യന്‍, കെ.എസ് അബ്ദുള്‍ റസാഖ് തുടങ്ങിയവര്‍ പങ്കെടുത്തു.