പാലക്കാട്: ലോക വികലാംഗദിനമായ ഡിസംബര്‍ മൂന്നിന് സാമൂഹിക നീതി വകുപ്പ്  അംഗപരിമിതര്‍ക്കായി മത്സരങ്ങള്‍ നടത്തും. ടൗണ്‍ ഹാളില്‍ നടക്കുന്ന കലാ- കായിക മത്സരങ്ങളില്‍ 600ഓളം അംഗപരിമിതര്‍ പങ്കെടുക്കും. ലളിത സംഗീതം, കവിതാലാപനം, സിംഗിള്‍ ഡാന്‍സ്, സംഘ നൃത്തം, പെന്‍സില്‍ ഡ്രോയിങ്, പെയിന്റിങ്, പ്രഛന്നവേഷം, പ്രസംഗം, മിമിക്രി എന്നീ കലാമത്സരങ്ങളും  50 മീറ്റര്‍ ഓട്ടം, 50 മീറ്റര്‍ നടത്തം, ഷോട്ട്പുട്ട്, നാരങ്ങാ സ്പൂണ്‍ എന്നീ മത്സരങ്ങളുമാണ് സാമൂഹിക നീതി വകുപ്പ്  അംഗപരിമിതര്‍ക്കായി നടത്തുന്നത്.
30 ഓളം സ്ഥാപനങ്ങള്‍ മത്സരാര്‍ഥികളെ പങ്കെടുപ്പിക്കും. മത്സരങ്ങളുടെ നടത്തിപ്പിന് മുന്നോടിയായി ജില്ലാ കലക്ടര്‍ പി. മേരിക്കുട്ടിയുടെ  അധ്യക്ഷതയില്‍ ഇതുമായി ബന്ധപ്പെട്ട് ആലോചനാ യോഗം ചേര്‍ന്നു. മത്സരത്തില്‍ പങ്കെടുക്കാന്‍ താത്പര്യമുള്ളവര്‍ക്ക് 0491 2505791 നമ്പറില്‍ രജിസ്റ്റര്‍ ചെയ്യാം.