പേരാമ്പ്ര: ചക്കിട്ടപാറയില്‍ വീട്ടുവളപ്പില്‍ പൊട്ടിവീണ വൈദ്യുതി ലൈനില്‍ നിന്നു ഷോക്കേറ്റ വീട്ടമ്മ അത്ഭുതകരമായി രക്ഷപ്പെട്ടു. പണിക്കാണ്ടി കമല (49)യാണ് അയല്‍ വീട്ടുപറമ്പില്‍ നിന്ന് തേങ്ങ എടുത്തു മാറ്റുന്നതിനിടെ പൊട്ടിവീണ വൈദ്യുതി ലൈനില്‍ തട്ടി ഷോക്കേറ്റത്. വീട്ടുടമ്മ ബഹളം വച്ചപ്പോള്‍ ഓടിക്കൂടിയ നാട്ടുകാര്‍ കെ.എസ്.ഇ.ബി ഓഫിസില്‍  വിവരമറിയിച്ചതിനെ തുടര്‍ന്ന് വൈദ്യുതി ബന്ധം വിഛേദിച്ചാണ് രക്ഷപ്പെടുത്തിയത്. ഇന്നലെ  ഉച്ചയോടെയാണ് സംഭവം. കമലയെ പേരാമ്പ്രയിലെ സഹകരണ ആശുപത്രിയില്‍ പ്രവേശിപ്പിച്ചു.