മലപ്പുറം: സര്‍ക്കാറിന്റെ അധ്യാപക ദ്രോഹ നടപടികളില്‍ പ്രതിഷേധിച്ചു ശനിയാഴ്ച നടന്ന ക്ലസ്റ്റര്‍ പരിശീലനം അധ്യാപകര്‍ ബഹിഷ്‌ക്കരിച്ചു. മലപ്പുറത്തെ പരിശീലന കേന്ദ്രങ്ങളായ സെന്റ്ജമ്മാസ് ഗേള്‍സ് ഹയര്‍ സെക്കന്ററി സ്‌കൂള്‍, എ.യു.പി സ്‌കൂള്‍ എന്നിവിടങ്ങളിലേക്കു സംയുക്ത അധ്യാപക സമിതിയുടെ നേതൃത്വത്തില്‍ മാര്‍ച്ച് നടത്തി.
തുടര്‍ന്നു നടന്ന പ്രതിഷേധ സംഗമം സംസ്ഥാന കണ്‍വീനര്‍ എ. കെ. സൈനുദ്ദീന്‍ ഉദ്ഘാടനം ചെയ്തു. ഉപജില്ലാ ചെയര്‍മാന്‍ കെ. ഹാരിസ് ബാബു അധ്യക്ഷനായി. പി. ടി ജോര്‍ജ്ജ്, കെ.എ.ടി.എഫ് ജില്ലാ സെക്രട്ടറി എസ്.എ റസാഖ്, കെ.എന്‍.എ ശരീഫ്, എം.ടി ഉമ്മര്‍, ജെ. ബനഡിക്റ്റ് മജീദ് കാടേങ്ങല്‍, അബു ചാപ്പനങ്ങാടി, ഷബീര്‍ പുള്ളിയില്‍ , സി.എം . മിസ്ഹബ്, സി. എച്ച് ഷംസുദ്ദീന്‍, സുബോദ് പി. ജോസഫ്, പൗലോസ് എന്നിവര്‍ സംസാരിച്ചു. എം.മുഹമ്മദ് സലീം സ്വാഗതവും ടി.എം ജലീല്‍ നന്ദിയും പറഞ്ഞു.