മാള: ഹോളിഗ്രേസ് അക്കാദമി ഓഫ് എഞ്ചിനീയറിങ് കോളജില്‍ പ്രധാനമന്ത്രി കൗശല്‍ വികാസ് യോജന(പി.എം.കെ.വി.വൈ)എന്ന പദ്ധതി പ്രകാരം എ.ഐ.സി.ടി.ഇയുടെ അംഗീകാരത്തോടെ മൂന്ന് കോഴ്‌സുകള്‍ പഠിപ്പിക്കുവാനുള്ള അംഗീകാരം ലഭിച്ചതായി കോളജ് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. അസിസ്റ്റന്റ് ഇലക്ട്രീഷ്യന്‍,ഐ.ടി.കോര്‍ഡിനേറ്റര്‍,എയര്‍ കണ്ടീഷനര്‍ ടെക്‌നീഷ്യന്‍ എന്നിവയാണ് കോഴ്‌സുകള്‍.
എം.എസ്.ഡി.ഇ എന്ന പദ്ധതിയില്‍ പെട്ട പി.എം.കെ.വി.വൈയില്‍ വരുന്ന കോഴ്‌സുകള്‍ വഴി യുവാക്കള്‍ക്ക് ഇന്റസ്ട്രി സ്‌കില്‍ ഉണ്ടാകുന്നതാണ്. അതിലൂടെ നല്ല ജോലിയും ജീവിത സാഹചര്യവും പ്രാപ്തമാക്കാനാകും.
ഈ കോഴ്‌സുകളിലേക്ക് പ്രവേശനം നേടുന്നവരില്‍ നിന്നും ഫീസുകളൊന്നും തന്നെ ഈടാക്കുന്നതല്ല. അസിസ്റ്റന്റ് ഇലക്ട്രീഷ്യന്‍ കോഴ്‌സിലേക്ക് പ്രവേശനം നേടുവാനുള്ള യോഗ്യത പത്താം ക്ലാസ് പാസ് ആണ്. 18 വയസ് തികഞ്ഞവര്‍ക്കമ് മാത്രമേ ഈ കോഴ്‌സിലേക്ക് പ്രവേശനം നല്‍കൂ.
ഐ.ടി കോര്‍ഡിനേറ്റര്‍ എന്ന കോഴ്‌സ് പഠിക്കുന്നതിന് അടിസ്ഥാന വിദ്യാഭ്യാസ യോഗ്യത ഡിപ്ലോമയോ ബി.ടെക് ഡിഗ്രിയോ ആണ്. ഈ കോഴ്‌സ് പഠിച്ച് പാസാകുന്നവര്‍ക്ക് ടീച്ചിങ് അസിസ്റ്റന്റ് ആയും സ്‌കൂളുകളില്‍ കംപ്യൂട്ടര്‍ ഹാര്‍ഡ് വെയര്‍ ഇന്‍സ്ട്രക്ടറായും ജോലി ലഭ്യമാകും. എയര്‍ കണ്ടീഷണര്‍ ടെക്‌നീഷ്യന്‍ എന്ന കോഴ്‌സ് പഠിച്ചവര്‍ക്ക് ഏറെ ജോലി സാദ്ധ്യതയുണ്ട്.എട്ടാം ക്ലാസ് യോഗ്യതയുള്ളവര്‍ക്ക് ഈ കോഴ്‌സിലേക്ക് പ്രവേശനം ലഭിക്കും.എയര്‍ കണ്ടീഷനര്‍ ഫിറ്റിങ്, സര്‍വിസിങ് എന്നിവ ഏറെ ജോലി സാധ്യതകളുള്ള കോഴ്‌സുകളാണ്.കൂടുതല്‍ വിവരങ്ങള്‍ക്കും അഡ്മിഷനുമായി 0480 2695050 എന്ന നമ്പറിലുംംംം.വീഹ്യഴൃമരലലിഴശിലലൃശിഴ.രീാ എന്ന വെബ്ബ് സൈറ്റിലൂടെയും ബന്ധപ്പെടുക.
വാര്‍ത്താ സമ്മേളനത്തില്‍ കോളജ് ചെയര്‍മാന്‍ സാനി എടാട്ടുകാരന്‍, ഡയറക്ടര്‍ ആന്റണി മാളിയേക്കല്‍, കോഴ്‌സ് കോര്‍ഡിനേറ്റര്‍ സുഭാഷ് തുടങ്ങിയവര്‍ സംബന്ധിച്ചു.