മാനന്തവാടി: ജോയിന്റ് കൗണ്‍സില്‍ ജില്ലാ സമ്മേളനം നാളെയും മറ്റന്നാളുമായി മാനന്തവാടിയില്‍ നടക്കും. ഇതിനുള്ള ഒരുക്കങ്ങള്‍ പൂര്‍ത്തിയായതായി സംഘാടകര്‍ വാര്‍ത്താസമ്മേളനത്തില്‍ അറിയിച്ചു. ഏഴിന് ഉച്ചക്ക് രണ്ടിന് നിലവിലുള്ള ജില്ലാ കൗണ്‍സില്‍ യോഗം നടക്കും. വൈകിട്ട് അഞ്ചിന് ഗാന്ധി പാര്‍ക്കില്‍ നടക്കുന്ന പൊതുസമ്മേളനം സി.പി.ഐ ജില്ലാ സെക്രട്ടറി വിജയന്‍ ചെറുകര ഉദ്ഘാടനം ചെയ്യും. എട്ടിന് രാവിലെ 10ന് ജില്ലാ പ്രസിഡന്റ് സി.എ സുരേന്ദ്രന്‍ പതാക ഉയര്‍ത്തും.
തുടര്‍ന്ന് ക്ഷീരസംഘം ഹാളില്‍ നടക്കുന്ന പ്രതിനിധി സമ്മേളനം എ.കെ.ടി.യു.സി സംസ്ഥാന സെക്രട്ടറി കെ.പി രാജേന്ദ്രന്‍ ഉദ്ഘാടനം ചെയ്യും. പുതിയ ഭാരവാഹികളെ തെരഞ്ഞെടുക്കുന്നതോടെ രണ്ട് ദിവസത്തെ സമ്മേളനം സമാപിക്കും. വാര്‍ത്താസമ്മേളനത്തില്‍ സ്വാഗതസംഘം ഭാരവാഹികളായ ഇ.ജെ ബാബു, വി.വി ആന്റണി, അഖിലേശന്‍, പി.വി പുഷ്പ, പ്രേംജിത്ത് എന്നിവര്‍ പങ്കെടുത്തു.