കോഴിക്കോട്: റിയാദ് സിറ്റി കെ.എം.സി.സി നിര്‍ധന കുടുംബത്തിന് നിര്‍മിച്ചു നല്‍കുന്ന ബൈത്തുറഹ്മയുടെ താക്കോല്‍ദാനം സഊദിയിലെ സിറ്റി ഫ്‌ളവര്‍ ഗ്രൂപ്പ് ചെയര്‍മാന്‍ ടി.എം അഹമ്മദ് കോയ നിര്‍മാണ കമ്മിറ്റി കണ്‍വീനര്‍ പി.പി നസീറിന് നല്‍കി നിര്‍വഹിച്ചു. റിയാദ് കോഴിക്കോട് സിറ്റി കെ.എം.സി.സി കോഡിനേറ്റര്‍ അഡ്വ. എ.വി അന്‍വര്‍ അധ്യക്ഷനായി.
സൗത്ത് നിയോജക മണ്ഡലം മുസ്‌ലിം ലീഗ് പ്രസിഡന്റ് കെ. മൊയ്തീന്‍ കോയ, കോര്‍പറേഷന്‍ കൗണ്‍സിലര്‍മാരായ സി. അബ്ദുറഹ്മാന്‍, കെ.ടി ബീരാന്‍ കോയ, പി.വി അവറാന്‍, മണ്ഡലം ലീഗ് ഭാരവാഹികളായ എം.പി അബ്ദുമോന്‍, വി.കെ ആലിമോന്‍, യൂത്ത് ലീഗ് മണ്ഡലം പ്രസിഡന്റ് യു. സജീര്‍, അബ്ദുസ്സലാം, പി.വി ശംസുദ്ദീന്‍, മേഖലാ പ്രസിഡന്റ് ഇ.പി അഷ്‌റഫ്, എ.ടി മൊയ്തീന്‍കോയ, ഐ.പി അഷ്‌റഫ് പങ്കെടുത്തു. നിര്‍മാണ പ്രവൃത്തി ഏറ്റെടുത്തു നടത്തിയ എം.പി നൗഷാദിന് കോതി ശാഖയുടെ ഉപഹാരം സിറ്റി ഫ്‌ളവര്‍ ഗ്രൂപ്പ് സി.ഇ.ഒ ഫസല്‍ റഹ്മാന്‍ സമ്മാനിച്ചു. എന്‍.വി ലത്തീഫ്, എന്‍.വി യൂനുസ്, എന്‍.വി മുനീസ്, ഹസന്‍ കോയ, എന്‍.വി മനാഫ്, എന്‍.വി റസാഖ്, അനീസ് സംബന്ധിച്ചു.